Thailand, Laos, Cambodia

First of all, sorry for the delayed blog update.... busy travelling, i'm sorry... for those who don't understand swissgerman, go and check out my friends blog... we've done all of the above together... ;)

http://philippbuehler.com/southeast-asia/

wiiter uf schwiizerdütsch.. nach 3 mönet allei on the road hani de phil und djasmin in bangkok troffe zum die nägste paar reiseziel gmeinsam zerkunde... nach knapp 7 wuche hets eus usghänkt und mer hend eus us unüberwindbare differenze müsse trenne.. nei seich, au nach guet 7 wuche verstöhmer eus no prächtig... ide zwüscheziit isch einiges passiert.. gstartet hemer in bangkok, super busy, chaotisch, stickig und speziell, effektiv hend mir 2-3 täg idere massive grossstadt glanged. snachtlebe het so chli sini eigni art.. prägt vo abartige ihdrück hemer die erst partynacht gmeinsam überlebt...

gli druf abe simer wiiter nach phuket, wo sich de phil endgültig vode gsunde verabschiedet und 2 nächt im spital verbracht het. erst nach dem het er de strand dörfe erlebe und gnüsse.. ide zwüscheziit han ichs defür fertig bracht mis natel im salzwasser zertrinke... chan passiere, nur blöd dasmer in thailand praktisch alles easy repariere chan usser genau mis natel.. anyway au das hemer nach 3 wuche fertig bracht.. ide zwüscheziit hani mini gotte d Ilonka und de helmut uf phuket troffe... leider nur es kurzes aber trotzdem sehr schöns und cools wiederseh gsi.. danach simer wiiter in richtig Ao Nang und hend eifach mal im grösste partyhostel überhaupt übernachtet, het au grad scho am erste abig alles ihghalte was versproche worde isch.. pub crawl mitem ganze hostel nachdem ide hostelbar scho vorbereitige uf hochtoure gloffe sind.. au das hemer überlebt, druf abe simer wiiter nach koh lanta womer euse open water tauchkurs in 4 täg absolviert hend... genial gsi ih die unterwasser welt abztauche und fast schwerelos durch fischschwärm gleite... bis jez definitiv eis vode highlights gsi und die nägste tauchdestinatione hemer au scho ufem radar...

nach koh lanta simer wiiter in norde nach chiang mai mitem flüger und hend bi ahkunft no ahgnehmi 22°C gha bi zünftigem rege zmitst ide nacht, gschockt simer hingege am morge druf gsi... schlagartig sind dtemperature uf 10°C gheit und niemert isch uf das vorbereitet gsi, e improvisierti kaltwettermontur het anemüsse, interessant gsi au zum gseh wies allne andere reisende glich gange isch... trotzdem isch de norde sehr sympathisch und weniger hektisch gsi wie de süde um phuket und bangkok, leider fehlt det defür smeer und swarme wetter.. :P trotzdem hemer versuecht sbeste drus zmache und hend eus miteme mietauto ufd strasse vo thailand gwagt, zum de Doi Ithanon NP zerforsche, de plan isch jedoch chli im nebel versunke...

wiiter im norde in chiang rai hemer denn wieder chli schöners wetter gha und hend dgegend in kurzehose chöne erkunde.. vorallem ah eim tag simer super busy gsi und hend wasserfäll, de wiiis tempel, de schwarz tempel, golden triangel und dmonkey caves ahgluegt.. nach chiang rai hets au schowieder goodbye thailand gheisse... snägste abentüür het in laos aber ned lang uf sich warte lah, zip-lining durch de jungle vo nord laos, übernachte imene massive baumhuus und dbootsfahrt ufem mekong nach luang prabang. alles in allem en sensationelle start mit viel action, fun und neue erfahrige.. in luang prabang simer denn für es paar täg stationär bliebe und hend de kuangsi wasserfall bsuecht.. de schönst wasserfall woni je gseh han, dbilder sind ja scho online also viel spass.. wiiter im süde hemer in vientiane de hauptstadt vo laos und in thakek en zwüschehalt gmacht bevors denn uf 4000 islands oder gnauer Don Det isch... det simer umgeh vom mekong fast e wuche verwiiled und hend die relaxti atmosphere chli würke lah... vo det hemer de "premium" bus gno nach Siem Reap in Cambodia. würkli premium hettmer das ned chöne nenne, generell isch immer interessant wie die transportmittel benamst sind.. entweder ischs en premium, vip, luxury oder suscht was bus, schlussentlich sind aber all büs halb am usenand gheie und teilwies au ziemli überfüllt aber die fahrt isch mit abstand die schlimmst gsi, mit ca. 6-7 stund verspätig simer nach 15 stund entlich in Siem Reap imene luxus hostel acho... das isch effektiv luxus gsi, top duschene, better, klimaalag, rooftoppool etc... grad chli en andere standard.. vo det us hemer 2 täg lang angkor erkundigt, au da verwiesi gern ufd bilder... die säged meh als tuuusig wort... isch sehr ihdrücklich und interessant gsi erfahre was da alles hinter Angkor steckt... ufde strasse vo siem reap isch am abig au immer guet dpost abgange, vorallem dpub street... det lauft de schinke, so simer ab und an au det chli umegwanderet am abig und hend verschiedeni drinks, insekte und schlange probiert... jez simer ume erfahrig riicher, unglaublich fein isch das ganze aber ned gsi...

nach guet 4 wuche ohni strand, meer und salzwasser ide haar hemer eus gröber nacheme paradies gsehnt und hend das au uf koh rong gfunde... inere gruppe vo 5 lüüt (Sigi, Claire, Phil, Jas und ich) hemer eus es top bungalow im Paradise Resort am Traumstand gönnt und hend 5-6 täg lang nüt anders gmacht wie dinsle gnosse... leider isch au da dziiit cho zum wiiterreise und zwar nach phnom penh, ufem weg det here bin ich tatsächlich krank worde und han wärend 5 stund ufde busfahrt grausam glitte, chum acho bini usem bus grennt und han mich müsse übergeh.. so ischs denn no dnacht dure wiitergange und dementsprechend hani de tag druf au ned grad aktiv gstaltet. immerhin hanis usem hostel gschafft zum dstadt biz erkunde... zmitst ide nacht hani mich denn vo mine liebe fründe müsse verabschiede da ich mich uf nach sri lanka gmacht han...

so das sind jez mal die erste 2 monat südostasie im schnelldurchlauf gsi... :) hoffe het spass gmacht und bis bald...