New Zealand - North Island

Nachere sehr intensive Ziet ufde Südinsel hani mir vorgno de Teil vo Neuseeland chli gmüetlicher ahzgah und grad zu beginn het mich e fuessverletzig dezue zwunge alles chli langsamer zmache... :) So hani denn nach de 3 stündige fährefahrt in wellington icheckt und mich ufe erkundigstour gmacht. Dank de Tosca, ere Neuseeländerin und Wellington local woni in Christchurch kenneglernt han, hani Wellington vonere weniger touristische siite kenneglernt... wohl die schönst stadt in neuseeland aber immer chli vo windigem, regnerischem Wetter plagt, trotzdem super gsi.. Sie isch denn au bis zude wiehnachte mit mir wiitergreist via Turangi, Tongariro NP, Taupo bis Rotorua.. vo det us isch sie denn zude familie go wiehnachte fiiere.. aber bis det hii hemer no einiges erlebt, speziell im Tongariro Nationalpark.. det hemer de berüehmti eintägig hike "tongariro alpine crossing" gmacht und e extra schlaufe zum Mount Ngauruhoe, besser bekannt als Mount Doom us Lord of the Rings.. das isch bis jez sstrengste gsi woni bis jez gmacht han, teilwies uf allne viere müsse ufeklettere wills so steil und unstabil gsi isch aber dussicht und de weg abe sind die 2 Std happige ufstieg allemal wert gsi... ufem gipfel de riesig krater vo dem Vulkan bestuunt, eus bi Steam quelle ufgwärmt und zum schluss über de letzt schnee ufem gipfel die erste 50 meter abegrutscht, dannach ischs im express innert ca. 20 minute vom gipfel bis nach abe ein spass gsi... ich nenn die aktivität jez mal vulkan stei surfe... :P nur hani danach min fuess wieder stark gmerkt und han mich no wiiteri 6 stund müsse durch dberge quäle... aber au das het nüt usgmacht will nach jedem ahstieg isch wieder es neui landschaft ahgfunde.. via Emeral Lakes und Crater Lakes über e ustrockneti alpini landschaft zum carpark wo nach 10 stund euses auto gwartet het...

nachdem abentür isch en erholigstag am Lake Taupo und feini Hörnli und ghackets genau srichtige gsi.. fürd Tosca serste mal hörnli und ghackets ih ihrem lebe und für mich serste mal dasis kochet han... :)

aber gschmöckt hets ufjedefall fast wie dehei und das inkl apfelmuues...

Nach dem erlebnis simer wie gsait witer nach Taupo, d'Hukka Falls go ahluege und denn witer nach Rotorua in 42°C heisse Flüss go bade und geothermali aktivitäte go "untersueche".. die ganz stadt isch vo mud pools und heisse quelle umgeh und bissige schefel grüüch überall... aber interessant mal sowas zgseh und zerlebe...

Nach Rotorua hani mal wieder chli luscht uf beach gha, desswege bini fürd wiehnachte nach Tauranga und han die besinnlich ziet am meer verbracht.. da dTosca und ichs so guet gha hend isch sie nach wiehnachte au wieder zu mir gstosse.. hend denn no Raglan, de berüehmti Surfbeach vo New Zealand bsuecht aber ich bin durch min fuess wiiterhin chli verhindert gsi, aber het scho grausam lust gmacht ufs wasser zgah.. janu wiiter ischs denn nach waitomo zum black water rafting, nach 30 meter abseile ine dunkli schlucht simer mit gummiring ufem cave stream durch dunkelheit gleitet und hend millione vo glüehwürm beobachtet, das bild stellt jede sternehimmel in schatte... wunderbar gsi bismer gseht wie glüehwürmli würkli usgsehnd und was sie mached bzw. wie sie lebed... wens interessiert, wikipedia hilft sicher wiiter... :P nachere nacht in waitomo ischs denn am nägste tag wie big bird farm nach matamata de basis für die "most touristy" tour in ganz neuseeland.. de usflug nach hobbiton, de hobbit stadt us allne lord of the rings und hobbit film... alles genau wie im film, winzig und ihdrücklich.. unglaublich was da für arbeit und geld ih details investiert wird wo im film schlussentlich nedmal 2 sekunde zgseh sind, zum schluss hets no im "green dragon pub" in hobbiton es hobbit bier geh.. :)

da in matamata aber hostels mangelware sind hemer nach de tour no e stund wiiter nach hamilton müsse, e relativ unspektakuläre studentestadt.. nach einere Nacht ischs denn wiiter gange nach Auckland woni au mis auto han müsse abgeh... isch danach grad wieder e umstellig gsi.. alles müsse wieder zfuess erledige.. so sind dtäg denn au enorm schnell verbi gange und prompt isch silvester vor de tüür gstande, das hemer relativ relaxed im Hostel mit andere lüüt verbracht... chli trunke und snacks gässe, de countdown ufem skytower und sfüürwerk gluegt.. danach ischs nach 1-2 wiitere drinks denn ziet worde fürs bett.. kei grossi partynacht das jahr, defür denn vilicht nägst jahr wieder ide berge oder suscht wo... :)

ansonste isch auckland kei wahnsinns stadt und uf grund vo 2-3 regetäg zu beginn vom jahr hani ned vielmeh gseh wie queen street, ponsonby und the viadukt... gege Endi vom neuseeland adventure bruchts au nüm allzuviel action... am 3. het sich denn d Tosca verabschiedet und isch wieder retour nach Wellington... ih dem sinn es dankeschön ah sie, will sie e tolli reisebegleitig gsi isch... au wenn sie nix vo dem gschriebene wird chöne verstah... :D

am zweitletzte tag in auckland no ufde Markus us dütschland gstosse, en gmüetliche surferdude wo ebefalls sin letzte abig in neuseeland verbracht het, so hemer entschiede sämtlichi alkoholische reste no zkonsumiere... gmüetliche abig gsi bevors jez hüt wiiter nach thailand gaht wo de phil und djasmin scho ihri zelt ufgschlage hend...

alles in allem laht sich säge... Aotearoa was sweet as.....