New Zealand - South Island

Neuseeland het unglaublich viel zbiete und 4 wuche langed definitiv ned zum alles gseh... aber dennoch hani ziemli viel ufde südinsle gseh und erlebt... fast chli schwer das in kurzi wort zfasse... ahgfange in christchurch woni min mietwage entgegegno han und mich ufde weg nach Akaroa gmacht han, det am erste tag dummerwies min autoschlüssel im auto ihgschlosse. bis das alles greglet gsi isch ischs schlussentlich 4 täg gange. dank de suzanne, e holländerin woni in christchurch kenneglernt han, wo en sonderahgfertigte schlüssel bide ford garage abgholt het und mit dem per Bus nach Akaroa gfahre isch und mich so vo mim erste grössere problem erlöst het...

vo det ah simer denn zu 2. unterwegs gsi, zerst via Geraldine nach Tekapo (eim vode beste Orte ufde welt für stargazing) und Mt. Cook wo de Heliflight inkl. Schneelandig ahgstande isch... Schnee, Berge und Gletscher sind mir natürli vo dehei bekannt, trotzdem isch das da in NZ es ganz anders erlebnis gsi... ufjedefall bi traumhaftem wetter e chlini schneeballschlachgt ufem berg verahstaltet und denn wieder retour gfloge und zur wanderig ahgsetzt zum das ganze auno usde Talperspektive zgseh.

Det het de Wanderspass ahgfange, Neuseeland isch ja ned ume suscht bekannt für unzähligi wunderbari Wanderige.. vo det eweg halti mi chli kürzer..

wiiter nach Oamarou zrug ad Küste, ih dere chline stadt gits tag für tag es naturschauspiel zbeobachte.. abig für abig findet unzähligi Pinguine ihre weg as land wo ihri Nester positioniert sind... ide ganze Hafegegend überquered Pinguine dstrasse und sueched ihre weg ih ihri unterschlüpf, welchi zum teil sogar ide stadt unter de hüüser sind, und lönd sich da vo keim mensch usde ruhe bringe..

ufem weg nach Dunedin simer denn no bide moeraki boulders verbi, kugel rundi steiformatione wo wie eier würked und au vo inne irgendwie misteriös wirked, interessanter als erwartet.. :) in dunedin nach chli city sightseeing wiiter zur otago peninsula an sandfly beach chli go entspanne... next stop sind denn the catlins gsi im southland vode insle... natur puur isch wohl die passendi beschriebig für de ort.. vo unzählige wasserfäll über stränd mit delphine, seelöwe und lüchttürm bis zu dicht verwachsenem Wald... e traumgegend und weniger touristisch wie anderi teile vo neuseeland...

nach de catlins experience simer via invercargill nach te anau wo eis vode highlights ahgstande isch... milford sounds!!! wunderbari berglandschaft ufem weg nach milford mit hiking tracks zum key summit und lake marian und kürzere walks zu mirror lakes, lake gunn und the chasm... in milford selber gits eifach duussicht und dnatur zgnüsse und das am beste am morge früeh bi sunneufgang mitem kayak... 6.30 am morge lospaddlet und kei halb stund später simer vonere bandi seals begleitet worde. zerst hemer dene tier no chöne bim zerklinere vo ihrem zmorge chöne zueluege bevors denn rund um eusi kayaks gschwumme und gsprunge sind... bim sterling falls simer denn wieder uf eus gstellt gsi und hend versuecht geg die power wo de 150 meter wasserfall mit sich bringt zpaddle.. sziel wär gsi unterem wasserfall durezpaddle oder bis zumene gwüsse grad unter de Gletscherwasserfall zcho... aber wegem wind, wasser im gsicht und ere gwaltige strömig isch das fast unmöglich... anyway ischs e schöni abkühlig gsi... ;) bim nägste wasserfalll hemers denn gschafft ganz durezpaddle, de isch au nüm ganz so krass gsi.. wiiter durch d sunde entlang vo unzählige wasserfäll, durch de rege ide nacht wird sozsäge die ganz gegend zu eim wasserfall... traumhaft, küehl aber traumhaft.. :P ufem weg zum tasman sea hemer no einigi pinguine ahtroffe. dasmal aber e selteni pinguin art wo nur det dehei isch... fiordland crested pinguine.. nach 18km kayake simer denn ade grenze zum offene meer vom sea taxi abgholt worde... jedem zempfehle wo per zuefall mal durch milford schlendert und ned weiss was mache.. :P

nacher wiiter nach queenstown de adrenalin hauptstadt vo neuseeland... bi all dene uswahlmöglichkeite vo bungeejumping, rafting, canyoning etc han ich mich denn für de canyon swing entschiede... 60 meter freie fall, 109 höhemeter und total 200 meter schwing... crazy wemer sich das vorstellt und ih dem moment womer ade kante staht frögt mer sich selber was mer sich dadebi eigentlich denkt het... sobald mers aber wagt ischs genial, en kurze sprung und alli angst isch verfloge, nur isch leider de ganz flug bzw. sprung genau so schnell wieder verbi...

nach queenstown bini wieder allei wiiter in richtig fox und franz josef gletscher, mit zwischestopp in wanaka... ide gletscherregion ischs wetter recht unbeständig, aber das het das ganze recht mystisch gmacht.. d wulke wo ide regewälder rund um de gletscher und wasserfäll hanged... chli wie in lost world... trotz schlechtem wetter es top erlebnis... skrasse am ganze isch das de gletscher grad mal paar km vom strand entfernt isch, nur wenigi meter überem meeresspiegel liegt und zudem vo regewald umgrenzt isch...

das isch sowiso was vom ihdrücklichste, die landschaftwechsel. so chamer am vormittag ide berge im schnee sii, am namittag im regewald und am abig de sunneuntergang am strand gnüsse...

denn wiiter zum arthurspass, die bekanntischt strass wo dwest mit de ostküste verbindet, det au 1-2 wanderige gmacht denn wiiter nach kaikoura... det en delfin schwumm planed wo denn wegem stürmische meer abgsait worde isch, dennoch simer mitem boot ufs wasser hend unzähligi delfine und 3 selteni Orcas gseh was ebefalls es super erlebnis gsi isch.. de Ohau stream ca 25 min nördlich vo kaikoura bietet für seals es dehei. de süesswasser wasserfall und fluss isch überfüllt vo baby seals...

nach dem bini via nelson zum abel tasman nationalpark, ufe wiiteri kayak tour vo awaroa bis bark bay woni dene inere waldhütte übernachtet han bevors am nägste tag ufe 30 km wanderi retour nach marahau gange isch... wenig höhemeter, easy terrain also guet gange ih einem tag.. de abel tasman nationalpark isch wieder es ganz anders neuseeland... türkisblaus wasser, wiisi stränd, natur pur... en traum aber 30 km entlang de küste isch scho chli viel... nach dem letzte erlebnis ischs gli mal nach picton ufd fähre nach wellington... was det passiert isch isch denn wieder e anderi story...

MERRY CHRISTMAS EVERYONE.....