Perth

Nachem Roadtrip für ca. 1 wuche e base zha isch super gsi... perth isch zwar e chlini stadt im verglich zu sydney etc aber het sehr viel zbüüte...

wobi de ersti ihdruck nach akunft im hostel ned sehr prickelnd gsi isch... im wombat backpackers fühlt mer sich am ehnste als kanalratte wohl, trotzdem hani dete 3 nächt verbracht will de steven dete gsi isch und mich det hii glockt het, danach bini is city perth bp, was grad wiene 5-sterne oase gwürkt het nach dene 3 nächt im andere hostel..

abgseh vo hostels hani einiges erlebt, en tag im kings park, mitere traum ussicht über dstadt und swan river, wunderbari beaches wie scarborough und cottesloe und die gechillti, alternativi stadt freo ebefalls ade küste... perth het usserdem es recht cools nachtlebe zbüüte, das spielt sich vorallem in northbridge ab.. en huufe backpackers sind det unterwegs, nacht für nacht... es würkt fast so als wär jede tag en samstig... was ja für reisendi eigentli au de fall isch... :P

nachem wechsel is neue hostel hani en tagestrip nach rottnest island buecht... ufde fähre hani denn de adrian, lucy und georgina vo mim neue hostel kenneglernt... 3 sehr cooli engländer und vo det ah bini mit ihne chli unterwegs gsi.. zrug zu rottnest island, das isch sdehei vode quokkas (de einzig ort wo die tier in freie natur lebed), so herzig und zuetraulich, fast chum zglaube zudem bietet dinsle en huufe buchte mit klarem wasser wienis nonie gseh han, perfekt zum schnorchle... nach dem tag in rottnest hani nomeh interessanti lüüt im hostel kenneglernt, so zum bispiel de brenden us kanada und de dick us holland.. zudem het mer dkendra, super zwägi australierin us perth, chli was chöne vode stadt und de strand region zeige... also alles i allem nimmi nur sehr gueti erfahrige us perth mit.. aber so schöns au isch, dziet vergaht wie im flug, am tag vode abreis bini aber glich nomal durch dstadt und nach heirisson island, glege zmitst ide stadt und sdehei vo paar wenige aber defür offene kangaroos, super erfahrig gsi das tier in freie wildbahn huutnah chöne zerlebe anyway au de tag isch schneller verbi gsi als gwünscht... off to sydney for another week in paradise... :P