Roadtrip Darwin to Perth

Extrem viel erlebt im erste Monat, viel Ihdrück gwunne und Erfahrige gsammlet... Am beste ich Liste mal kurz und knapp paar Stopps uf...

- Litchfield NP

- Kakadu NP

- Edith Falls

- Broome

- Karijini NP

- Cape Range NP

- Coral Bay

- Ningaloo Reef

- Shark Bay

- Kalbarri NP

- Geraldton

Wie gsait en huufe interessanti Erfahrige.. Ahgfange het alles in Darwin, scho gli nach ahkunft het mich uf de suechi nachere mitfahrglegeheit es Inserat im Melaleuca Hostel ahgsproche... zwei engländer und 2 franzose unterwegs imene grosse van reised nach perth in 3-4 Wuche... perfekt passt sowit. bim gmeinsame kaffee hemer eus biz besser kenneglernt und entschiede zäme zreise und im nuu isch dreis los gange..

sehr interessant und neu gsi für mich das ganze und sehr speziell... aber super für de start.. Dwasserfäll im Litchfield NP bestuune und erlebe, en traum, vorallem bi temperature vo um die 40°C.. im Kakadu NP sind dschwimmmöglichkeite eher rar, es sei denn mer möcht bimene schwumm die bis zu 6 meter lange salzwasserkroks kennelerne... trotzdem en wunderbare nationalpark zum wandere, vögel beobachte und de klari sternehimmel zgnüsse... nach 3 nächt im kakadu np simer denn wiiter zude edith falls, wos entlcih wieder es erfrüschendi Abküehlig unterm Wasserfall und im see geh het... nachdem halt ischs ziel dgrenze zu WA und em meer gsi will mer leider dgibb river road ned hend chöne mache... 4wd required... anyway, ich gsehs als grund zum nomal retour cho... ;)

ufem weg ad küste hemer in kununarra, halls creek und fitzroy crossing en halt gmacht, nach dem hemer entli dküste und somit smeer erreicht... Zeltplatz direkt am türkisblaue meer vo broome.. so laht sichs definitiv lebe, det sind dtemperature au schowieder chli humaner gsi und die konstanti meerbriise het ebefalls guet tah..

nachde erste 1-2 wuche mit de gliche lüüt unterwegs hani langsam chöne es richtigs fazit zieh.. im allgemeine ischs ned de perfekti match gsi.. 3 vegetarier, 1 engländer mit chli andere ahsichte, 1 engländerin wo chli tollpatschig und fuul gsi isch und 2 franzose wo recht easy gsi sind aber mit de ziiit echli ahsträngender worde sind aber trotzdem ischs sehr interessant und cool gsi das ganze uf die art zerlebe...

anyway wieder zrug ufd strass, nach broome hemer mit 1-2 übernachtige zwüschedrin de weg zum karijini np gfunde... das isch definitiv eis vode highlights gsi... schmali schluchte, wasserfäll, frischi grottene, spinne, echse, vögel, wandere und klettere... die Schluchte mit ihrne schwierige wander/klettertracks wo zu frischwasserquelle gführt hend sind de hammer gsi... und ebe wie scho gsait dbelohnig für die streng wanderig sind die quellene gsi.. perfekt zum schwümme und klippespringe.. :P paar bilder sind uf minere page zfinde..

nach 2 nächt im karijini np simer wieder in richtig küste nach exmouth, ningaloo reef und coral bay... eine vode wenige ort womer direkt vom strand is riff chan go schnorchle... turquois bay, oyster stack sind paar vode beste orte gsi... mega wasmer da füre unterwasserwelt entdecke chan. turtles, haie, fisch ih allne farbe, roche etc... und das alles ih kristall klarem türkise wasser... schwer zbeschriebe, mussmer erlebt ha... genau so au schnorchle mit de riesige manta rays in coral bay.. mitere spannwiiti vo bis zu 5 meter sehr ihdrüklich und durch die ruhigi und glasseni art wie die tier durchs wasser gleitet überhaupt ned beängstigend... zudem hani no en discover dive gmacht, ersti erfahrige tauche mit de fläsche.. mer taucht wortwörtlich ine andere welt ab, jez bini mer 100% sicher dasi de uswies zthailand mache möcht...

nach paar täg in coral bay simer wiiter nach shark bay, schlussentlich hemer aber ufem weg det here 2 täg in canarvon verbracht will mer en platte gha hend und suscht jensti problem mitem bus, det isch aber ned viel ztue gsi.. anyway durch die verzögerig simer erst am fritig abig in denham acho bzw bis vor denham simer cho... det het dpolizei e strasseblockade ufgstellt gha will das weekend e aboriginal community treffe plant gsi isch und mir natürli ufde hintere plätz ohni sicherheitsgurt, was in andere teile vo australie keis problem isch will sauto so baut worde isch vor 30 jahr oder so... anyway de polizist het eus denn total e buess vo 700 dollar ufbruumt anstatt jedem einzeln 550 zverrechne.. irgendwo dure no flott aber trotzdem unnötig, zudem hends am auto no de "gelbi sticker" verpasst, sprich sauto muss innert 10 täg vomene offizielle vom staat anerkennte garagist kontrolliert und zueglah werde und denn muss alles repariert werde demit sauto wiiterhin ufde strasse vo australie umefahre dörf... so wie das auto aber zwäg gsi isch, isch das us finanzieller sicht ned sehr lohnenswert. hetti definitiv viel müsse investiert werde also wird ihres auto jetzt ihgstampft und mir hend e anderi mitfahrglegeheit müsse sueche.. d cecilia und ich hend am nägste tag grad glück gha und es italiener paar kenneglernt (maui und vale) wo eus mitgno het... will de platz aber chli knapp gsi isch hemer eusi rucksäck bide andere im bus glah und nur snötigste ihpackt... die sind miteme toyota 4wd auto unterwegs gsi wo au ned viel besser zwäg gsi isch... het nur chöne bis in 3 oder mängisch bis in 4. gang schalte.. aber es het eus vo det ah immer as ziel bracht..

am erste tag simer denn wiiter in kalbarri np und hend det e wanderig durch die gorges vom nationalpark gmacht und im park imene eher chline zelt und ohni unterlag übernachtet... am tag druf abe simer den ad küste vo kalbarri, sehr felsigi und stürmischi küste... und det hemer denn au serste mal rege in australie erlebt nach guet 3 wuche ohni ein tropfe... bi dem wind ischs schlafe im zelt natürli ned so ahgnehm gsi und wo denn ide nacht no rege dezue cho isch hemer eus z4. is auto zwängt... ruum zum sich drehe oder bewege hets keine meh geh defür ischs aber schön warm und trocke gsi.. :) nach dere eher unkomfortable nacht simer wiiter richtig süüde nach geraldton, ufem weg det hii hemer no bim pink lake ahghalte... ganz e komischi sach de see, nonie sonen salzige see gseh und die tatsächlichi farb isch pink... schräg aber interessant... :P in geraldton acho hend phil und anni (es päärli wo phasewiis mit eus in klabarri unterwegs gsi isch) en ca. 50 jährige australier namens brett kenneglernt.. ufde suechi nach gras sinds uf ihn gstosse und er het eus denn all zu sich hei ihglade und wie sölls anderst sii hemer nacher 3 täg dete verbracht und die andere hend tag ih tag us demit verbracht gras zrauche... also hend scho au immer was gmacht tags dur... mal an strand, dstadt go ahluege, bbq am meer etc. aber am abig isch denn wieder tüchtig kifft worde... aber ohni mich, nur damits gsait isch... ich bin guet unterhalte worde und sehr zfriede gsi mit de guete fat yak IPA bier womer kauft hend... de brett het eus denn ebe sogar ahbote sis gästezimmer znütze wasmer denn natürli au gmacht hend... serste mal imene richtige bett sit afangs oktober... irgendwenn hani denn aber eifach nurno nach perth welle und wies de zuefall so will het de brett genau det here müsse und het mich mitgno... super gsi mitem maui und vale, mit dene bini uf einere wllelängi gsi und das het au super passt eso aber bin glich froh gsi nacher zperth inere grosse stadt zsii und eifach mal echli zchille...

soviel zum erste monat in australie...

für mini wuche in perth gits bald en eigene ihtrag... ;) cya

#NT #WA #Australia #Adventure #Travel #Broome #Karijini #Coralbay